Hoxe propoñémosvos dúas tarefas relacionadas coa conmemoración das Letras Galegas. A primeira consiste nun "Escape room" dixital que faredes trala lectura da biografía do autor homenaxeado. A segunda proposta consiste en representar unha portada dun libro que vos guste e que será conxunta de todo o cole. A continuación tedes a explicación de cada unha:
1ª TAREFA
Le con moita atención a biografía de Ricardo Carvalho Calero
Le con moita atención a biografía de Ricardo Carvalho Calero
 |
| Imaxe extraída www.aspitas.gal |
Ricardo realizou os seus primeiros estudos en Ferrol. Fixo o Bacharelato por libre e os estudos universitarios en Compostela.
En 1933 casou en Lugo con María Ignacia Ramos Díez, compañeira de estudos universitarios e licenciada en Historia.
Foi membro do Seminario de Estudos Galegos, onde coincidiu con Castelao, Otero Pedrayo, Risco, Cuevillas...Colaborou en moitas revistas galegas: A Nosa Terra, Nós, Guión, Galiza, Resol, Universitarios, Papel de Color... e é autor de libros de investigación sobre a nosa literatura e o noso idioma.
O golpe militar sorprendeuno en Madrid e Carvalho posicionouse no bando republicano. Unha vez terminado o conflito, foi encarcerado, condenado por separatista . En 1941 o escritor regresou á súa cidade con liberdade condicional. Imposibilitado para exercer a función pública, refuxiouse no ensino privado (entre 1950 e 1965 no Colexio Fingoi de Lugo)
En 1965 incorporouse ao Instituto Rosalía de Castro de Santiago e como profesor contratado á universidade compostelá, da que se converteu no seu primeiro catedrático de Lingüística e Literatura Galega.
Defendeu a postura de que a lingua galega é unha variedade da lingua portuguesa.
É autor de Gramática elemental del gallego común e de obras de teatro, poesía e novela.
Ingresou na Real Academia Galega (RAG) o 17 de maio de 1958 e o seu discurso tratou sobre Rosalía de Castro.
Pola súa defensa do idioma galego e da nosa cultura, a RAG dedícalle este ano o Día das Letras Galegas.
Agora xa estades preparados e
preparadas para resolver o misterio da casa de Ricardo Carvalho Calero con este
xogo de Genially. Tede paciencia para atopar as chaves e a ver se descubrides que agochan os números que vos dan, adiante!
2ª TAREFA
Desde o centro pretendemos celebrar xuntos e cunha tarefa común o día das Letras Galegas.
Consiste en que elixades un libro en galego, o que máis vos guste, e representedes a portada. Podedes facela vós mesmos ou coa vosa familia se vos animades :
👉Disfrazándovos ou caracterizándovos dos personaxes con accesorios, maquillaxe, vestimenta…
👉Ou reproducindo a portada de maneira plástica cunha pintura, un collage ou con cousiñas que tedes por casa: monecos, pezas…
Coas fotografías recibidas farase unha montaxe para publicala na páxina web do cole.
ANIMÁDEVOS!
Teredes de prazo para facer a vosa portada ata o xoves día 14, data máxima na que poderedes enviar unha foto en formato jpg á dirección de correo electrónico da vosa aula.
No hay comentarios:
Publicar un comentario