3º LUNS 11 DE MAIO

1. TAREFA SEMANA DAS LETRAS GALEGAS
Comezamos unha nova semana!

Esta semana adicaremos o luns, o martes, mércores e xoves a traballar un pouquiño sobre o Día das Letras Galegas. 

Investiguemos un pouquiño!💡

 O día das Letras Galegas

A celebración do día das Letras Galegas, cada 17 de maio, foi instituída no ano 1963 pola Real Academia Galega para conmemorar a publicación do libro de Rosalía de Castro " Cantares Gallegos", un 17 de Maio de 1863 e homenaxear a algún escritor ou escritora en lingua galega.

• Que día e en que mes se celebra o día das Letras Galegas?
• Dende que ano celebramos este día?
• Cantos anos hai dende que se celebra? Lembra que estamos no ano 2020.
• Por que a Real Academia Galega celebra este día?
• Investigade a que escritor imos conmemorar este ano. Dámosvos esta imaxe coma referencia:

"Cantares Gallegos", está considerada como a obra literaria que inicia o "Rexurdimento" da literatura e da cultura galega moderna.

A proposta de celebrar ese Día foi formulada por tres membros da Real Academia Galega, Manuel Gómez, Xesús Ferro Couselo e Francisco Fernández del Riego.

• Que é o Rexurdimento?
• Que autora escribiu "Cantares Gallegos?

A primeira escritora homenaxeada, no ano 1963, foi a mesma Rosalía de Castro seguíndolle en anos posteriores: Alfonso Castelao, Eduardo Pondal, Francisco Añón, Curros Enríquez, López Cuevillas...

A Real Academia Galega celebrou o pasado 2006 os seus cen primeiros anos de historia.

Fontenla Leal e Manuel Curros Enríquez, dende Habana, deron os primeiros pasos para a creación dun organismo que loitara pola lingua e a cultura galega e así, un 30 de setembro de 1906 celebrouse no salón de actos da Reunión Recreativa e Instructiva de Artesanos da Coruña a constitución e primeira reunión da Real Academia Galega.

• Cando tivo lugar a primeira reunión da Real Academia Galega?

A primeira sede foi no Pazo Municipal de A Coruña, pasando posteriormente a un edificio da Rúa Tabernas, propiedade dunha das académicas, a condesa de Pardo Bazán.

O seu primeiro presidente foi Manuel Murguía, marido de Rosalía de Castro.

• Quen foi o primeiro presidente da Academia?

2. RELIXIÓN

Lede esta lectura sobre Beatriz e contestade ás preguntas.

2. VALORES

👉Hoxe imos visualizar un corto: "Pajaritos". É unha cortometraxe de Pixar que gañou un Oscar e que ensina un valor tan importante como a tolerancia.

👉Investiga sobre que é a tolerancia e pensa detidamente se a cotío es tolerante cos demais. (aceptando opinións, non sendo agresivo, respectando aos outros/as...). 

👉Fai un debuxo cunha acción na que sexas tolerante.