Queridos nenos e nenas,
Hoxe é o último día de curso. Un curso que nin vós nin nós vamos a esquecer. No día de hoxe remata o voso traballo e comezan as tan desexadas e merecidas vacacións de verán.
En primeiro lugar gustaríanos agradecervos o gran traballo que fixestes estes meses na distancia. Sabemos que non é doado traballar dende casa e moito menos cando non podíamos saír nin a dar un paseo. Fixéstelo xenial e estamos moi orgullosos de vós.
Queremos tamén agradecer e valorar o esforzo, comprensión e cariño que amosaron os vosos pais e nais (avós, avoas, irmáns maiores...) e que fixeron que esta aventura das clases a distancia fose posible.
Estamos desexando vervos o vindeiro curso e que todo volte á normalidade, pero para iso aínda faltan case tres meses. Por tanto debedes facer un último esforzo e non deixar a un lado a escola porque senón en setembro vaivos a custar máis.
Son cousas doadas e que non levan moito tempo:
- Lede. Lede o que sexa: xornais, revistas, libros, contos, receitas, as etiquetas dos champús, a publicidade do buzón, as instrucións da lavadora...pero non perdades o hábito. A lectura é a porta ao coñecemento.
- Escribide. Escribide o que sexa: contos, poemas, receitas, cartas aos vosos amig@s, cartas da amor,chistes malos, listas de cousas que queredes facer, diarios, a lista da compra... pero non perdades o hábito.
- Repasade as tablas de multiplicar e as operacións básicas: medide o perímetro das cousas, sumade os precios do tickets da compra a ver se non vos enganaron...facédeo como queirades pero non perdades o hábito. A vindeira semana darémosvos o cuadernillo de matemáticas e podedes rematalos durante as vacacións. Publicaremos tamén neste mesmo blog tarefas de lengua para quen, voluntariamente, queira facelas durante o verán.
Por último queremos darvos unhas informacións de importancia:
O xoves 25 de xuño é o día de recollida do voso material escolar e do boletín de notas que se estipulou no centro para 4º de E.Primaria. O horario de recollida para 4º de Primaria é o seguinte:
👉"4º A" EDUCACIÓN PRIMARIA: XOVES 25 XUÑO DE 09:30H A 11:30H.
👉"4º B" EDUCACIÓN PRIMARIA: XOVES 25 DE XUÑO DE 11:30H A 13:30H.
Por favor, tede en conta este horario xa que, se non o respectades non poderedes subir a recoller o material a deshora.
Se algunha familia non puidese acudir á recollida, darásevos indicacións máis adiante para que o poidades recoller nun período extraordinario.
Traede convosco unha bolsa grande ou mochila para portar todo e a mascarilla.
MÚSICA
Visita https://roquenroll.wixsite.com/roquenroll, e na lapela “Recursos Ed. Primaria” escolle 4º E.P.
Traede convosco unha bolsa grande ou mochila para portar todo e a mascarilla.
Desexámosvos que pasedes un verán estupendo e que teñades moitísima saúde, que como xa se viu, é o máis importante do mundo.
Unha aperta xigante.
Rebeca e Diego.
Rebeca e Diego.
PD: Sí, tedes a mañá libre. Podedes empregala no que prefirades pero se non sabedes como, ide á entrada de onte e lede un pouquiño. Visitade tamén o blog de música que a profe Sara tamén ten algo que contarvos.
MÚSICA
Visita https://roquenroll.wixsite.com/roquenroll, e na lapela “Recursos Ed. Primaria” escolle 4º E.P.
